monumenta.ch > Plinius > sectio 99
Word Selection for Searching
Report an Error in this Sectio
Plinius, Naturalis Historia, 20, 99
{XXXIX} prodest et gingivis et dentibus vel per se commanducata. taenias et reliqua ventris animalia pellit ex aceto et melle sumpta. linguae quoque recens subiecta praestat, ne hydropici sitiant. coquitur pluribus modis: in olla, quae coiciatur in clibanum aut furnum, vel adipe aut luto inlita, vel frustatim in patinis.